Congress lennir tejen 7-i telok toktsür

Dimapur, November 29 (TYO) : NPCC tir, K. Therie aser pa den inyakertemi Congress telok raksatsütsü atema mapa inyaker aser iba jagi onoki Congress telok nung züngsem agiener, ta Nagaland nung Congress lennir tejen parnok 7-i sangdong ka nung metetdaktsü.
Onoki küm 20-30 tashi Congress tashi itdaktsütsü atema inyaka aruogo saka tang teinyakdak Nagaland Pradesh Congress Committee (NPCC) tir aser par den külemi yaritepertemi parnok mulungba nung dang telok aniba atema onoki telok toktsütsü telemtetba agi, ta sangdong nungsa shia lir.
Congress telok toktsürtem:
1. Yongkonglemba, Secretary NPCC Nagaland
2. Bendangyanger, Vigilance Cell member NPCC Nagaland
3. Akum Pongen, General Secretary (Admn) NPYC Nagaland, Former V.P DYC Dimapur
4. Rolland Ngullie, V.P DCC Dimapur, Former president DYC Dimapur
5. Adi Kechü Angami, V.P DCC Dimapur
6. Arang Pongen, President N.S.U.I Dimapur
7. Imchachetba, Executive DCC Dimapur.