ICR nung ‘Residential Diabetic’ aser ‘Master Health Check-up’ camp agiogo

Mokokchung, November 29 (TYO): Impur Christian Hospital, Mokokchung nung troknü amungba ‘Residential Diabetic’ aser ‘Master Health Check-up’ camp ka November 23 nungi November 28, 2015 nü tashi kanga takok ngua kaogo, ta Christian Hospital Medical Superintendent-i sangdong ka ajanga metetdaktsü.
Dr. Mapu (Diabetes), Dr. Temjen Pongener (Cardiologist), Dr. Imli Ozukum (PMR, Physiotherapy), Dr. Phyantsüthung (Eye) aser Dimapur o Kohima na nungi nurse asemi iba camp acha ayanga aser parnok den külemi mozü kidang teinyakdak Staff aser Student Midwifery Assistant temia parnok den yaritepa liasü, ta sangdong ajanga ashi.
Iba sentong ya Impur Christian Hospital Medical Superintendent aser Board of Trustee nung Convenor Dr. Sashimeren-i ayongzüka agiba liasü.