Kejriwal-i Party nung tanaben dendaktsüner: Prashant Bhushan

New Delhi, July 17 (Agencies): AAP party nungi tamalen astüngdoka aliba lenir Prashant Bhushan-i Hokolbar nü Arvind Kejriwal aija, pa ya taaktsü maket aser anemsü nisung ka lir, ta aitsüogo.

Delhi chief minister Kejriwal-i, activist-lawyer Bhushan aser Yogendra Yadav na party dangi meyipa arura pelatsü ta ashiba sülen tanü Bhushan-i AAP tongti lenir aija jembiogo.

Twitter ajanga Bhushan-i, NC senden nung par party MLA temi tilutsüba den külemi tashiyim amshiba sülen Kejriwal-i parnok tanaben party nung dendaktsüner. Anemsü, taaktsü maket, ta ashi.

Bhushan ya AAP tenteter rongnung ka lir aser pai party lenisüba aser Kejriwal inyakyim aitsüba den külemi ochimashir lenirtem nem party ticket agütsüba anema jembia liasü.