Temenen yimya aser jaklatem

Tazüngkunem 9:7 Nai koda ne Tsüngrem arem nung ain adokdaktsü aji bilemtetang aser nai tama; Ijip lima toktsür aoba mapang nungi iba talidak matong tashi, nenoki Kibuba den anema apusoa aru.
Yihusua 1:18 Aser shibaisa ne ozüng anema apusodir aser Nai melaba ajak nung o mangalir pa südaktsütsü: tashi aser tasü dang itang.
TEMENEN JAKLA
A.Shin 14:34 Temeshibai kin ka ajungketsür saka kechi kin südir süaka temenenji taktsüka lir.
A. Shin 15:9 Tamajunger lemangji Kibuba tsüngdang tesempatsü saka temeshiba sülen anitakerji Pai meimer.
A. Shin 24:9 Tamashiba tasa asabaji temenen; aser sensamasatsürji nisung tsüngdang tesempatsü.
Isa. 1:18 Tang arung, aser asenoki külemi shisadangdi ta Kibubai ashir: nenok temenen jakjaa meremaka, itemji rüjeb ama mesüngtsü, azü ama meremaka, itemji tezüng ama akümtsü.
Isa. 59:2 Saka nenok tai temenen agi, nenok aser nenok Tsüngrem tsüngda nung piladaktsü aser nenok temenen agi Pai nenok mangutsüsa Pa tejak nenok nungi atsükadok kechiyong nenok teka azü agi aser nenok temeyongtem tai agi menena lir, nenok tebang mechi agi tiyazü jembir.
Yer. 44:4,5 Ano ni tenzükertem aser ainkar ajak maneni nenok dangi yoka ashi, “Aya, iba tesempatsü mapa ni sempaba ya teinyak. Saka parnoki tamajung nungi aser tangar tsüngten dang liangmesen arungba nungi meyiptsü nenoki manga mesüra tenarong maten.”
Rom 14:23 Saka atsüayonga chira pa aitsür, kechiaser pai tamang agi mechira; aser kechisa tamang agi masü aji temenen.
Efesa 5:11 Aser tejang matangba ammang mapa den temedem saka item arüjang.
Ibri 3:13, 15 Saka temenen tekelakoktsüba agi nenok kar merangdakjalir tanü ta ajaba mapang ali tashi, anogo shia kati ka ajungshiang kechiyong ashiba ama tanü nenoki Pa ola angashira, teküptepdang amato, nenok temulung temerang.
Ibri 9:14 Ajangla, Khrista, shibai teti tatem maka Tanela agi tarak meketi pei sasa Tsüngrem dang tenla, Pa zü agi taküm Tsüngrem tenzüktsü atema nenok mulungsentsü tasü mapatem nungi koda kanga tali merükdaktsür.
Yakob 4:17 Anungji shibai mapa tajung inyaktsü metetter aser meinyaker, pa asoshi aji temenen.
1 Yohan 5:17 Memeshiba ajakji temenen lir: aser tasütsüsa masüba temenen ka lir.
Oba, iba temenen lima nung ni meshiteta yujangma. Amen.