KCCI-i night Carnival lapoker

Kohima, December 01 (TYO): Kohima Chamber of Commerce & Industries (KCCI)-i Nagaland, Hornbill Festival den sentaktepa Kohima Night Carnival lapokogo.
Mezüng nü nungi iba carnival ajanga anüalema alirtema ajungmesoa yimti nung benjung amunger nisung meyirjang aika den adentsü jangradaktsütsü, ta KCCI sangdong ka ajanga metetdaktsü.
Kasa sangdong ajanga ashiba agi, Hornbill benjung nung adener bendanger aser lisopur ajaki kibong ajak anir iba carnival nung anguba chiyungtsü, teka mapa aser sobaliba yimya pelatepa chia jema reprangtsü maongka angutsü.
Iba Carnival nung aonung shia 6:00 nungi 9:00 ako tashi pelateptettsü.