Sania Mirza-i ashishitep ken o tasen ka tenzüktsür

New Delhi, Dec. 02 (Agencies): India tsür tennis asayar mongin, Sania Mirza-i magizüktetba takhangba kar benokba ajanga tashishitsü ken o tasen ka tenzükba osang jangjaogo.
Mirza-i Madhya Pradesh Annual Sports Awards sentong nung tongti tesemdanger asütsü agizük saka MP sorkari Mirza-i akhangba meperidaktsütetba yong lai iba sentong nung shilem magitsü lemtet, ta Indian Express osang ajanga metetdaktsü.
Mirza-i iba sentong nung tongti tesemdanger ka ama shilem agitsü atema la nem sen 75,000 jenjang make-up osettsüset alitsütsü, la Bhopal tonga anir aotsü aser la talidak tanaben tongtsütsü atema tayimtsü ka renemtsütsü aser la den yariteper nisung pongu atema business class tayimtsü ticket renemtsütsü asoshi lar personal assistant kati MP sorkar den takhangba benokba osang jangjaogo, ta kasa osang ajanga shisem.
Mirza nübo mamshitettsüsa akümba yong Awards sentongji anogo ishika agi thinentsüsa aküm aser tatem nung India badminton coach, Pullela Gopichand tongti tesemdanger süa sentongji agiogo.
Ajisüaka, Mirza-i tanü tashi iba tashishitsü ken o den sentakba osang jangjashija mali.