Sapon o tzü agi shitoktetba mezüng smartphone adokogo

December 04, 2015: Asenok indang phone/smartphone tem tzü nung memeteti tsükdang asenok kechi anga mashi jashir, ajisüaka phone tzü nung metendang na pelatsüsa mapang aruogo.

Telecom company KDDI-i kobi melii Kyocera Digno rafre phone sayatsü aser iba phone ya sapon o tzü agi shitoktettsü.

Iba phone ya Japan nung taruba hopta sayatsü aser Kyocera Digno rafre phone ya alima nung smartphone rongnung sapon o tzü na agi shitoktetba mezüng phone lir.

Iba phone ya Japan sen yen 21,600 ($175) agi ayoktsü sentong lir.

Iba phone ajungba sayutsü asoshi online nung tanur kati ‘ketchup’ sünga aliba auso ka nung phone tsükdaktsüba sülen tetsüi iba phone sapon nüa tzü nung shitoka lar kibong dang shisa mebulutsü ashiba advertisement-a ka lir.