Auyaba Winger gari ka Kohima nung angu

Dimapur, December 4 (TYO) : December 3, 2015 nü Kohima police-i Kedima lenjem nung garitem mita reprangdang TATA Winger gari ka apu.
Police-i TATA Winger gari (NL01C-9846) soter mita reprangdang driver Romeo Kemp-i gari indang kulikakettem magütsütet, ta Sub-Divisional Police Officer & PRO, Kohima sangdong ka nung metetdaktsü.
Pa ya Phensunyu, Tseminyu nung Dopalo Kemp’er jabaso ta jangjaogo aser police-i Romeo dang asüngdangya asüdang pai Diphupar, Dimapur kübok Lanumar Pongen indang licence (No. 50376/PK/Prof/08) bener gari bener senzüba putet.
Ano pai agütsüba gari indang smart card (B/R No. NL01C-9846) ji Forest colony, Kohima nung alir Toshika Awomi tenüng nung liasü. Ajisüaka Transport Vahan Database nung iba registration number ji Maruti Van ka nem lemzükja lir aser RTO Kohima kübok Kewekhape tenüng nung agüja lir, ta Kohima Police-isa ashi.
Iba dak sendakba nung police-i Romeo kemp puogo aser Khuzama P.S nung pa anema ken o ka benogoko.