PM Modi-i, Hindustan Times Leadership Summit nung jembi

New Delhi, December 04 (Agecies): Hokolbar nü New Delhi nung 13buba Hindustan Times Leadership Summit nung jembidang Ato kilonser Narendra Modi-i tarutsu atema India linük indang rasa jembiogo.

Ato kilonser Modi-i rongsenkettsüng nükla indang jembia liasü.

Rongsenkettsüng ainba olen ka nung pai linük nung GDP ainba rate 7.4% akumba aser shishilembabaren tongmelangba akumba indang jembi.

Centre aser State kulemi senteper inyakba ajanga shishilembabaren tongmelangba akumer, ta Modi-i ashi.

14th Finance Commission-i benokbatem nung ajemdaker talila finances state tem nem agutsüogo, ta paisa ashi.

LPG subsidy direct transfer asuba aser LED lighting schemes ajanga sen crore meyirjang aika kümzüktetba indanga pai jembia liasü.