Ozü kibong telungjem ulura: Nichole Kidman

New Delhi, December 05 (Agencies): Hollywood actress Nicole Kidman-i, lar kibong den la tesendaktepji kangasa tashi ita lir, ta ashi.
“Ni ozü kibong den ola matoki jangratema alir. Ni onok tsüngda tesendaktep kanga tashi ita yanglutetogo. Kü kinungbo kanga tangatet nisung ka lir. Pai ajak den sadoka lemsatepa aser yaritepa alir. Pa tebu tajung aser kinungbo tajung ka lir,” ta Kidman-i ashi.
“Ozü kibong nung züngsem ajak kanga telungjem nung alir. Ni tapu ajak nung shilem agiteter aser ibaji ajanga kibong nung timtem magütsür,” ta lai Hindustan Times Leadership Summit 2015 sentong nung Honibarnü ashi.