Arogotem küm tatem osang

Kibur : O Tamangertem! Taküm küm atema nenok Arogotem tezüluba osang kua.
Arogo I : Kibur, taküm küm ozü Arogo tezüluba osang :
1. Sentep ki First Class renemogo
2. Kanga nüngdaka aliba Boliro Gari ka aliogo
3. Sannüker ki marble yoka yanglushi
Arogo II : Oh! Kibur, kechi mazükmaru’ar taküm ozü Arogobo khen Pastor melenli, khen Youth Director melenli, Khen Tesayula melenli ta aleptepdang küm tembangdaktsüogo, melentepba küm ka dang süa süiogo.
Arogo III : Kibuba, ozü Arogo nung Revival lidangogo, Father School-a kadangogo, Mother School-a mungdangogo saka yaküm dang nungi takümsa sentepi kanga ishiba aruogo, anungji tezüluba osang magütsüner.
Arogo IV : Kibur, ozü Arogo nung takümsa terenlok mapa timba inyakogo:
1. Arogotsür tesayula ki yanglu
2. Youth Director ki longru agi menok
3. X-Mas & New Year mapang Bomb poka benjungteptsü atema ground tulu ka atu ano!!!!
Arogo V : Oh!! Teyanglur, ozü osangbo taaktsüka :
1. Tzünglu aludang tenla kidang tamen majung tzü asener.
2. Terenlok mapa kecha meinyaktet
3. Senzüsenpongtsü asoshi kecha gari-a melika
4. Toklang tenzüker ajak para ki nung dang toktsür, saka teimla kaji sentepibo takümsa timba aruba agi Tenla kidangi masemer.
Kibur : Ena!!! Tanübo küm tatem osang dang meshir, saka kenübo alima atemtsü, idangjidang no!!!!!
Lilir : I. Kilang Ajem, Indisen, Dimapur.