Shisatsüji Angazüktsü Akok

A. Shin 1:20,21 Tashi temeteti yimdong nung ayima ayimtener, watidak lai la ola adoker. Lai yim tsüki tema nung ayimtener, yimti süngküm pong nung lai ayimtener.
A.Shin 8:1,2 4-8 Tashi temeteti mayimtener ama? Tangatetbai ola madoker ama? Lemang lenti anasa lemjem longkong nungji lai noktaker. O nisungtem, Ni nenok dang ajar aser Kü olaji nisung chirtem dangi lir. O nenok tongmelanger shisatsü angazükang aser nenok tamachi tem temulung tenang. Angang, kechiyong Ni tamaren indang jembitsü aser Kü tebangmechi nungi shidakbatem adoktsü kechiyong Kü bangi ochiba jembitsü, temenen Kü bang dang mesempatsü lir. Kü bang ajak temeshiba lir. Item nungji tekirak mesüra mashikoshi kecha mali.
A.Shin 9:1-6 Tashi temeteti ki yangluogo: Lai lung tongshi tenet angentetogo, lai lar yi meyoktepogo, lai lar langpang renemogo. Lai yimti lenkongtem nungji ayimtentsü. Pai aiürtem yokogo. Shibasa tongmelang lir, pai ileni meyipdakjang. Shisatsü anüngba dangji lai ashir, “Arung, Kü meyong amtsük chiang aser ni meyoktepba yi jemang.” Tongmelangji tokjang aser taküm liang aser tangatetba lemang nungji jajaang.
A. Shin 14:6 Sensamasari amajok nung shisatsü bushir saka tangatetba tsüngdang temetetba shisatsüji tetemsü lir.
O Tsüngrem, Ne O ajanga ni shisa kaa kümdakjang. Amen.