MCCI-i Mkg nung shi ayokdak ajungketba pela agizüker

Dimapur, December 9 (TYO) : National Mission of Food Processing Industries kübok Nagaland nung Department of Industries and Commerce-i Mokokchung jila nung shi ayokdak dokan pungu tanü putu den apet ajungkettsüba atema kanga pelar, ta Mokokchung Chamber of Commerce and Industries (MCCI) sangdong ka nung metetdaktsü.

Iba scheme kübok teyari angur ajaki sorkar aser Mokokchung Municipal Council dang pelaba metetdaktsüogo.

Par pungu rongnung Supong Aier (mutton) aser Nungshiwapang (chicken) nati Salangtem New Market nung S. Tali Imchen (pork)-i Arkong Ward aser aser Opangrenla (chicken)-i Sungkomen Ward nung dokantem lapoka lir. Par pezüprongla Mokokchung jila nung lir aser dokan pungububaji Liroyim yimtsüng nung lir, ta MCCI sangdong nungsa shia lir.