Mokokchung DC-i sorkar mapa inyaker dang nenshia metetdaktsür

Dimapur, December 9 (TYO): Mokokchung jila küm 125 ajungba benjungmung nung sorkar mapa inyaker ajak arua adentsüla ta Mokokchung Deputy Commissioner, Sushil Kumar Patel-i nenshia metetdaktsüogo.
Imkongmeren sports complex nung December 12 nü benjung lapokba aser December 16 nü tenüngsang agütsüba sentong nung sorkar mapa inyaker ajak arua adentsüla, ta Sushil Kumar-i ashi.
Mokokchung DC-isa Heads of Office ajak den staff temi sentong metenzükdang minute 30 jelia arutsü tuyuogo aser marurtem dak ‘disciplinary action’ alitsü ta shisem.