Nenghoilhing Hangsing-i Miss Nagaland 2015 takok angu

RCEMPA Jotsoma nung Miss Nagaland 2015, Nenghoilhing Hangsing (tiyongtsü) den tanabuba jenjang angur Alica Zhimomi (abelen) aser tasembuba jenjang angur Yangerjungla Pongen nunger külemi agiba noksa angur.

Kohima, December 9 (TYO): Bodbar nikongtsütsü Kohima nungi Nenghoilhing Hangsing-i Miss Nagaland 2015 takok korang nguogo.
Hornbill benjung nung shilem ka ama Beauty and Aesthetic of Nagaland (BASN)-i Department of Tourism den yaritepa RCEMPA Jotsoma nung Miss Nagaland 2015 tetoktepba ayongzüka agi.
Nagaland kübok district ajak nungi Naga tsür 15 madak Hangsing-i takok angu aser laisa Miss Photogenic naroküm agizük.
Miss Nagaland 2015 tetoktepba nung tanabuba jenjang nung Zunheboto district nungi Alica Zhimomi aser tasembuba jenjang nung Mokokchung district nungi Yangerjungla Pongen nati takok angu. Yangerjungla Pongen-isa Miss Perfect Ten naroküm angu.
Tetoktepba nungsa Dimapur nungi Zehovire Avi Kechu-i Queen of Hearts aser Shanchoveni Y. Jungio-i Miss Talent sub-title tem agizüka liasü.
Tetoktepba nung tatembangba tasüngdangbaji ‘tobur aser tekolok’ indang liasü aser Hangsing-i langzüdang, “la tanur asüdang lai kibong teraksa indang khuret meteta aküm, iba jagi la dak tetsür balaka akümtsü tangatetba aru aser lai chichiba tetsü ka kümner” ta ashi.
Laisa Naga nunger dang osang sangoktsüba nung, state kübok tesem balala nungi aiür tobur tajungtem külemi sabang ka nung noktakba ajanga Nagaland nung alirtem külemi longjemtsü ayongzüker, ta ashi.