Tekümtet Tesüiba, Tang, Tarutsü Kümtetogo

Rom 8:16 Asenok Tsüngrem chirtem ta Tanelai peisasa asen tanela den kuli agütsür.
1 Korint 1:18 Kechiyong shirnok samadagi parnok asoshi kangki O ji tamashi o. Saka asenok kümzüka alirtem asoshi ibaji Tsüngrem ain lir.
Efesa 2: 8 Kechiyong taochi agi tamang ajanga nenok kümzüker aser aji pei sasa agi masü, saka aji Tsüngrem sempet.
TEINYAKDAK
Filipi 2:12 Anungji, kü Temeimbatem, kodang nenoki tashi angar, Ni atendang dang masü saka tang Ni mali dang kanga tali angar, nenoki atentena, tsübua, pei tekümtet inyakang.
1 Peter 1:10 Iba tekümtet indang ainkartem shiri nenok asoshi atemzükba taochi indang shin, parnoki iba tekümtet arishi aser meranga bushi. Parnok dak aliba Khrista tanelai, Khrista asoshi timtemtsü jenti aser iba sülen sentsüwangshi jenti adoktsü indang, indang indanga chichia kuli agütsü aser aji kodang koda ataloktsü parnoki bushi.
ANO MATALOK
Mathi 10:22 Aser Kü tenüng atema nisung ajaki nenok sempatsü; saka shibai tatem tonga aremdir, pa sa kümtettsü.
Rom 5:9, 10 Tang Khrista azü agi nenok metendaktsü nung idakji chia, Tsüngrem ain adokba nungi asenok Pa ajanga kümzüktsü. Kechiyong asenok tsükchir alidang, Pa chir tasüba ajanga asenok Tsüngrem den putepdaktsü süra idakji chia asenok putepa ali nung, Pa chir taküm agi asenok kümzüktsü.
Rom 13:11 Kechiaser asenok mezüng amangba dang nungi tang tekümtetji asenok tali anasa lir.
Filipi 3:21 Pai koba inyakba agi ajak pei kübok ayutsü akok, aji inyakba amatu Pai asen tajemtsü temangji melenshia Pa sentsüwangshi temang ama tasen kümdaktsütsü.
1 Tesa. 5:9 Kechiyong asen Kibuba Yisu Khrista ajanga tekümtet anguba dangi Tsüngremi asenok shimtet.
2 Timoti 2:10 Anungji teshimetetba puri Khrista Yisu dak aliba tekümtet aser teti tatem maka sentsüwangshi asoshi Ni parnok atema ajak aremer.
Ibri 1:14 Parnok ajak tekümtet senmang amangtsü pur tenzüktsü yokbatem, tenzükba tanela masü no ?
Ibri 9:28 Aji oda, nisung jenti meyong temenen khu abentsü asoshi Khrista ken tenlar külen, Pa tanaben temenen meteni, Pa asoshi atabatem dangi tekümtet atema adoktsü.
1 Peter 1:5 Pai pei yimlibilem tulu amato, tasü nungi Yisu Khrista shia arudaktsüba agi, taküm teimla asoshi asenok tanaben sütsü.
Anogo aser mapangtem süitema aodang, Kibuba Yisu, Na ajanga renemtsüba tekümtet teimla tuluba aser tejangja kaa Na maru tashi lidakjang. Amen.