NCSU Mokokchung District Unit-i metetdaktsür

Dimapur, December 12 (TYO) : December 15, 2015 nü NCSU Head Office Kohima, Nagaland-i gari lenmang mokdangtsü sentong nung Nagaland Contractors’ and Suppliers’ Union, Mokokchung District Unit-ia pusema nungiter, ta NCSU Mkg. Dist. Unit President, L. Tajen Imchen aser NCSU Mkg. Dist. Unit General Secretary, Toshiakum Jamir nati sangdong ka nung metetdaktsü.
NCSU Head Office-i Ministry of Road Transport and Highways Govt. of India nem Dimapur-Kohima four lane National Highway atema takhangba agütsüba ama meinyakba aser hau ta melii yutsüba ken o ji NCSU Mokokchung District Unit-i süoki ia bilemer aser NCSU Head Office-i kechi tuyudir iba sülen anidaktsü, ta NCSU Mokokchung District Unit ketdangpurtemisa sangdong nung shia lir.