BJP Nagaland-i NCSU dang mepishir

Dimapur, December 14 (TYO) : Khristmas benjung atongtsü lia nübortem tetsükdaktsü kecha melii shishilembatsü aser senzütettsü atema Nagaland Contractors and Suppliers Union (NCSU)-i December 15, 2015 nü lenmang noktangba sentong magitsü mepishir, ta Nagaland State BJP Unit-i sangdong ka nung metetdaktsü.
NCSU-i ammetba onük ya kanga tongtipang aser ajaki pusema nungittsüla ta BJP Nagaland-i bilemer. Iba onük ya BJP Nagaland-i bangdak Ministry den jembitsü aser local contractor tem indang timtem lemsateptsü, ta Media Cell, BJP Nagaland sangdong nung shia lir.
Ajisüaka, tang benjung mapang Kohima aser Dimapur-i nübortem Khristmas atema shishilembatsü aruba mapang ghonda 12 lenmang noktangba ajanga timtem ajurutsü, ta sangdong nungsa metetdaktsü.