Train ticket atema telemtetba tasen

Delhi, December 15 (Agencies): Train apusor kulen RAC, waitlisted aser confirmed tickets nung refund mangutsü. Saka 12.11.2015 nungi Railway Passenger (Cancellation of Tickets & refund of fare) temzüng ozüng kar melenshia amshidar ta Gazette Notification G.S.R. 836(E)-i osang ka ajanga metetdaktsüogo.
Railway Passengers (Cancellation of tickets & refund of fare) temzüng ozüng nung tongtipang temelenshi kar yamai metetdaktsür:
(A) Mamshiba confirmed ticket tem melentepdang sen meyiptsüba inyakyim:
i) Kodang godha 48 jilia confirmed ticket bener arua melentepdir, passenger shia nungi minimum cancellation charge agitsu.
ii) Train apusotsü gondha 48 nungi 12 jilia Confirmed ticket melentepra nokalng nung shilem 25 melentepba taa agitsü.
iii) Train apusotsü gondha 12 nungi 4 hours jilia confirmed ticket melentepra, meta tatsü mesüra talang masadangi noklang nung shilem 50 melentepba taa agitsü.
iv) Iba mapang tatakzük sülenbo ticket ticket memelentettsü.
(B) Rac/ waitlisted ticket/ partially confirmed ticket nung refund agütsüba yimya:
i) Train mapusodang minute 30 jilia RAC/Waitlisted ticket/Partially confirmed tickets tem bener arua melentepra ‘clerkage’ taa agitsü aser refund agütsütsü.
Railway Passengers (Cancellation of tickets & refund of fare) temzüng ozüng nung inyakyim kar melenshia refund inyakyim, Mobile ajanga ticket aliba inyakyim, paperless ticketing tajungba inyaktsü aser last minute cancellation check asütsüba tsütsü temelenshi angutsü. Ticket aliba aser melentepa inyakyim tezüpaba akümtsü atemba nüngdaktsü ta achiteta item ozüngtem melenshia yanglushi.
Reservation charts gondha 4 jilia renemtsü aser ibaji ajanga passenger temi train apusotsü minute 30 lia azünga aliba menden meteta ticket alitettsü.
Train gondha asem dak tema menua maruba mapang, passenger temi latetja aliba train aotsü mapang shitak nung ticket bener arua melentepra taa kecha magi-i melentepja taliba sen rangben meyiptsütsü.
Iba osang ya Minister of State for Railways Shri Manoj Sinha-i 11.12. 15 Rajya Sabha nung zülur metetdaktsü.