Department of Industries & Commerce küm 50 jubilee amung

Parliamentary Secretary, Amenba Yaden-i Industries & Commerce department indang Jubilee nüngo sayatsüba angur. 

Dimapur, December 15 (TYO) : December 15, 2015 nü Directorate of Industries & Commerce, Kohima nung Department of Industries & Commerce küm 50 ajungba nüngtem nung sentong ka agi.
1965 nung Department of Industries & Commerce kümtet aser Nagaland nung tongtipang department rongnung iba ya ka lir.
Iba sentong nung tongti tesemdangerji Industries & Commerce Parliamentary Secretary, Amenba Yaden liasü aser pai ashiba agi, Nagaland inlokba aser azükarua kümdaktsüba mapa nung Directorate aser Department-i tongti shilem agir.
Amenba-isa department nung taoba mapang aser tang teinyakdak ketdangser aser staff ajak nem tenüngsang agütsü.
Zünger mapa manguba khuret ya koktettsü merangtsüla aser iba nung Industries & Commerce department-i tongti shilem agitsüla, ta paisa tayongzükba agütsü.
Tanü tongti tesemdangeri nüngshilung ka aser jubilee nüngo sayatsü.
Sentong nung Industries & Commerce Secretary, Hushili Sema-ia o jembidang Nagaland nung industrialization aser commerce indang maparen meyipa reprangshitsü nüngdak, ta ashi.
Industries & Commerce Director, Bendangliba-ia ashiba agi, 1965 nungi Department of Industries & Commerce nung temelenshi aika adokogo aser Nagaland state asoshi iba department ya kanga tongtipang lir.
Küm 50 ajungba jubilee sentong nung mendenji Additional Director (A), Medemsutsung Longkumer liasü, Sr. Account Officer, Temsu Longkumer-i temoatsü meshia sarsadem aser Rtd. Director Er. G. Keppen Rengma o Rtd. Director Keneilel Angami nati o tatsütsü jembi.
Sentong nungsa David aser Moanochet nati ken ka aten, Additional Director (Dev) Er. S. Temsulong Jamir-i anküp tepela o jembi aser iba sülen lokti chiyung.

Jubilee mung tenüng nung tsünglanglen agüja Entrepreneurs nem tetushi agütsü.
(District wise)
1. KOHIMA DISTRICT
(a) Neihunuo, M/s Ciepfu Handloom & Handicraft, Lower AG Colony, Kohima.
(b) James Lotha, M/s Uniqraft, Mohonkola, Kohima.
2. MOKOKCHUNG
(a) Yangertoshi Pongen, M/s ACME Crafts, Mokokchung.
(b) Lanuakum, A&L Associates, Lanu Mechanised furniture unit, Mokokchung
3. TUENSANG
Sochi Khaim, M/s Handicraft Unit, Tuensang.
4. ZUNHEBOTO
Ghuhevi, M/s Cane & Bamboo cum Traditional Craft Unit, Zunheboto.
5. WOKHA : Mhoyamo Jungio, M/s Latex Goods Mfg Unit, Near CMO Office, Wokha
6. MON
Y.Tingkem Konyak, M/s Y.Tingkem Konyak Handicraft Unit, Mon town.
7. DIMAPUR
(a) Aolemba Longkumer, Country Craft, 7th mile, Dimapur
(b) N.G.Moses, MD, Greenfields Agro Enterprise, Dimapur
8. PEREN
Apingbo, M/s Wood Carving Unit, Jalukie Town, Peren
9. LONGLENG
Langkai, M/s Lungai Handicraft Unit, Longleng
10. PHEK
Medotsao Khape, Leather Goods Manufacturing Unit, Pfutsero town, Phek
11. KIPHIRE
Korakmong Yimchunger, M/s Eastern Mechanised Furniture, Kiphire