Republic Day 2016 atema senden agi

Dimapur, December 16 (TYO) : December 16, 2015 nü Nagaland Home Commissioner, Neihu C. Thur-i sangküm Republic Day atema senden ka ayongzüka agi.
Iba senden nung State Home Commissioner-i bangdak ketdangsertem dang January 26, 2016 nü Republic Day takok ngua amungtsü atema mapa inyaktsü ayongzük.
Senden nung para-military forces, Territorial Army, school balala nungi kaketshirtem aser tangartem ceremonial parade contingents shilem agitsü indang onük benoka lemsatep.
Republic Day benjung nung Nagaland State Disaster Management Authority-i State Disaster Management Response Force tenzüktsü aser ibaji Nagaland Angh, P.B. Acharya-i tenzüktsütsü indang osang metetdaktsü.
Sentong nungsa cultural presentations, entertainment items, games & exhibition amala agitsü jembi.