Rap kentener Azealia Banks New York nung puogo

December 17, 2015: Rap kentener nüngtugu Azealia Banks New York nung puogo ta osang angazüker.

Up&Down club nung mangatettep ka adokba mapang ‘212’ ken atenla Banks-i tetsür security guard ka dak tsüngoktsüba sülen tepo agi ango, ta New York Post osang ajanga metetdaktsü.

Ita ana tejaklena arishi küm 24 kentener Banks-i Los Angeles nung aliba club ka nung security guard ka dak teka sangshia liasü.

Osang ajanga ashiba agi, tejaokertem dang adenba party nungji club nung bouncer temi Banks mereprangtet. Lai party telung jagi itet saka mapang tatsüka tsüngda la kima anizüka toktsü, iba yongji lai security guard dak teka sangshi.

Tesülen police arua Banks puer Sixth Precinct police station-i anir oa liasü.