Mulungtet teloktem nem digital shisatsü agütsür

Dimapur, December 17 (TYO): Dimapur nung tentetba NGOs, NPOs, CBOs aser SHGs teloktem nem shisatsü agütsüba sentong ka NBDA Conference Hall, 6th Mile, Dimapur nung tanü Brehostibar nü agiogo.
Mulungtet telok aser tentettemi online ajanga nüngdakba pur yaritsü tesayuba aser tajungshi agütsütsü nükjidong nung YouthNet den külemi lungjemer Digital Empowerment Foundation (DEF)-i tanü sentongji ayonga agi.
“Lokti rendaktsütsü shilem nung NGO-temi tongti shilem agitsü nungdaka kümogo. Asen Nagaland nung mulungtet telok aser tentet jenti tenteta lir saka telok kari dang nübur nem tajangzük bener arutsütsüsa mapa inyaker. Anungji, sorkar den yaritepa mulungtet teloktemi nübur taküm jenjang tajungba kümdaktsütsü ajungshir,” ta tongti tesemdanger, Kesonyu Yhome, DC Dimapur-i ajungshia ashi.
Mulungtet teloktemi nübur den tongteprateptsü asoshi technology amshitsü tajungshiba olen ka tongti tesemdanger-isa metetdaktsü.