Ritika Mehta tepsetba NH-i aitsür

Kohima, Dec. 17 (TYO): Dec. 16 nü Kohima nung Naga Hoho executive senden nung, Dec. 14, 2015 nü Dimapur nung Apna hotel kibutsür, Ritika Mehta tepsetba aitsüogo, ta Naga Hoho Secy. Administration, Chitho Nyusou-i sangdong ka ajanga ashi.
Temzüng alema inyakba dak sentakba nisung tepsetba ken o ka süaka tangateter lokti ka nung tim obendang magütsüi nisung taküm ka tepsetbaji magizükteter, ta kasa sangdong ajanga ashi.
Nübur ajak benjung atema renemshiba aser benjungtepba mapang ka nung Dimapur yimti tiyong nung shishilembar ka kahsetbaji kangsa tim masüba mapa ka lir, ta sangdong ajangasa ashi.
Naga Hoho-i asür kibong den asüko lemsatepa lar kibong nem tesünep agüjang ta sarasademtsür aser ozüng amertemi nisung tepsetertemji tekaratiba nung puer tapet temerenshi agütsü akhanger, ta kasa sangdong nungsa shia lir.