Dimapur Night Carnival nung kanga longsoa tenzükogo

Dimapur, Dec. 17 (TYO): Brihostibar nü Naga Shopping Arcade, Dimapur nung tasembuba Dimapur Night Carnival tenzüka tanur-tain aika pei tembartem aser kibong züngsemtem den külemi semdangba ajanga kanga longsoa tenzükogo.
Lokti tenet balala aser shishilembartemi stall aika lapoka osettsüset/chiyungtsü tapu meyina yokdagi. Anogo pezünü sentong nung Trinidad stall, Goan stall, Korean stall, German stall, American stall aser Thai stall densema lir aser aonung shia angati live concert den solo artist temi ken atentsü, tsüngsangba aser choral tetoktepba alitsü aser tatembang aonung (Dec. 20) INCIPIT teloki ken atentsü.
Iba sentong ya Dimapur district administration, Dimapur Municipal Council, Development Authority of Nagaland, Police Commissionerate, Dimapur, Dimapur Chamber of Commerce & Industries, Business Association of Nagas aser East Dimapur Business Association senteper ayongzük.
Iba sentong ya State Bank of India, K Zhimo Associate, NN Nagi School, Tata motors Dimapur Diesels, Chabou & Co aser Niathu Group-i sponser asür.