Swamy nem govt accommodation agütsütsü

New Delhi, December 18 (Agencies) : Centre sorkari BJP lennir tejen Subramanian Swamy nem security dak sendakba nung government accommodation agütsütsü telemtetba agiogo.
Iba atema Swamy-i license fee pungusü agi teimba agütsütsü.
National Herald ken o dak sendakba nung Swamy-i okadak pa nem security agüjang ta ken o ka benoka liasü.
Ano, osang ajangasa ashiba agi, taoba Punjab DGP KPS Gill aser anti-terror activist MS Bitta naprongla nem security nung ajemdaker maneni government accommodation agütsütsü.
Uttarakhand CM Harish Rawat nema medical grounds nung ajemdaker New Delhi nung küm ka atema government accommodation agütsütsü mapang apuloktsüogo.