Delhi nung ‘odd-even formula’ atema censor camera enoktsü; ‘Poochh-O app’ sayatsü

New Delhi, December 18 (Agencies) : Sangküm January 1-15 tashi Delhi nung garitem senzütsü asoshi odd-even system mapa küma amshidang mita reprangtsü atema Arvind Kejriwal’er Aam Aadmi Party (AAP)-i censor cameras enoktsü osang metetdaktsüogo.
Ajisüaka, Delhi sorkarisa senzüsenbongertem timtem majurtsü atema application ka sayatsü ta nangzükogo.
“January 1-15 tsüngda Delhi nung censor cameras ajanga garitem senzüba reprangtsü. December 22 nü Poochh-O app sayatsü” ta AAP züngsem Gopal Rai-i metetdaktsü.
Hokolbarnü AAP sorkarisa Delhi Transport Corporation nung mapa inyakertem sodi memelatsü ta tetuyuba agütsüogo.
“January 1-15 tashi Delhi Transport Corporation nung inyakertem sodi memelatsü” ta Gopal Rai-isa ashi.
Delhi sorkarisa sangküm January ita anogo 15 nü Delhi nung school tem shibangtsü telemtetba ka agia lir.