NE nungi nisung 3-i Akademi award angu

Guwahati, December 18 (Agencies) : Northeast nungi IPS officer ka aser havildar kati otsü tatsü aser sangrotem shilem nung Sahitya Akademi award nguogo.
Assam nungi IPS officer Kula Saikia-i ‘Akashar Chhabi aru Anyanya Galpa’ otsü tatsütem aser Manipur Rifles nung 1st Battalion nungi Kshetri Rajen-i ‘Ahingna Yekshilliba Mang’ sangrotem atema sempet angu.
Anosa, taoba mapang school tesayur Brajendra Kumar Brahma-i ‘Baidi Dengkhw Baidi Gab’ Bodo poetry collection atema sempet angu.
ADGP Saikia ya kaketken o tsütsü nisung aikati meteta aliba nisung ka lir aser pai iba osang angashia kanga pelaba metetdaktsü.
Saikia-i pa teinyaktsü mapa inyakb den külemi kaketkeno mapa inyaktetba atema nisung aikati pa nem tenüngsang agütsür. Pai sempet aika nguogo aser item rongnung pai Assam Police nung mapa tajung inyakba atema President’s Police Award anguba dena lir.
Rajen-ia Manipur nunger kaketkeno nungb shilem tajung agir. Pai sangro kaket pezü tashi adokogo aser sangro anabo English oshi nung meyipzüka lir.
Brajendra Kumar Brahma-i Bodo Sahitya Sabha (BSS) nung tir inyakogo aser pa ya nüngtugu sangro mejemer ka lir. 2009 küm pai Tagore Literary Award nguogo.