Asür Jyoti Singh’er tsüraburtem police-i apu

New Delhi, December 19 (Agencies) : 2012 küm Delhi nung bus gari ka nung tebur telok kati tashiyim agi raksatsür asür Jyoti Singh’er tsüraburtem Honibarnü police-i apu.

Teburtem rongnung tanubosangji reform home ka nung yua lir aser tanü Jyoti’er tsüraburtemi reform home kima nung lungkak aitba atema police-i parnok apu.

Security dak sendakba nung tebilemtsü kar aliba ajanga tanubosangji reform home nungi mejangjatetba tesem kati belena anir ogo.

Okadaki tanubosangji reform home ka nung küm asem ayutsü tetuyuba agüja liasü aser joko pa kümsük tembanga aruba sülen High Court-i pa ayutsü atema mapang mapuloktsütsü ta oshidang agütsüba sülen Deobar nikongtsütsü 5:00 ako nung pa chioktsüba sentong lir.

Tanubosangji tang arishi küm 21 jungogo aser pa ya Juvenile Justice Board-i repranga aru aser parnoki dang pa par kibongi meyipa yoktsü mesüra tanga mapa inyaktsü asoshi telemtetba agitsü.

Tanubosang reform home nung mechiokdaktsütsü atema Deobarnü tashi ken o benoktsü ozüngi melar aser Delhi government o Delhi Commission for Women-i pa mechioktsüla ta pusema nungiter.