Ochishir dangi ammang nung sangwa adoker (T.Ken 112:4).

Nenok rongnung shibai Kibuba tsübur aser Pa tenzüker ola angar? Shiba ammang nung jajar aser tesangwa mali, pai Kibuba tenüng nung temulung lemdakjang aser pa Tsüngrem dak yimlaa lidakjang (Isa 50 :10). Pa alangaka langkoshishi melaotsü, kechiyong ozüngji milen aser tesayubaji tesangwa lir; melongshitsü artsübaji taküm lemang lir (A. Shin 6:23).
Ni anema tepelatep, O kü tsükchirtem; ni laoaka ni noktaktsü; ni temenen menaka, Kibuba ni asoshi tesangwa alitsü. Pai kü O mebendang tashi aser ni asoshi ochi meinyak tashi ni Kibuba ain adokba arema abentsü kechiaser ni Pa anema temenen mena, Pai ni sangwadaki anitettsü aser ni pa tekümzüktsü angutsü (Mika 7:8,9).
Tenük temang milen. Anungji ne nük junga lira ne mang ajak sangwatsü. Saka ne nük mejungi lira, ne mang ajak tammang agi sünga alitsü. Anungji ne dak aliba sangwaji tammang süra, tamangji koda tulu (Mtt 6:8,9).
Yisu aliba tesangwa, pa sangwa nung ni teti jajatsü Tsüngrem O ajanga ni shisa kaa kümdakjangma. Amen.