Chanel-i Johnny Depp’er jala Lily-Rose shim

Los Angeles, July 19 (Agencies) : Fashion brand Chanel atema Johnny Depp’er jala Lily-Rose shimogo.
Arishi küm 16 tain model Rose ya Johnny Depp aser taoba kinüngtsü Vanessa Paradis na tanur ana rongnung ka lir.
Lily-Rose-i Chanel atema promotional video ka nung adokogo.
“Lily-Rose ya baby doll ka lir aser la temeimtsüka. La dak tetsür yimyatsüya tajung keta lir. La tobur onsara tajung, tanü asüng putu nung la tetsür ka lir” ta fashion designer Karl Lagerfeld-i ashiba olen ka femalefirst.co.uk ajanga metetdaktsü.
Lily-Rose aser Lagerfield na tesentaktep tajung lir kechiyong tetsü Paradis-i 1990s nungi Chanel atema ambassador inyaka arur.
Chanel indang tesüsaba eyewear collection ji taküm September nungi angutsü.