ISIS tesep samatsütsü asoshi UK-i US yaritsü:Cameron

London, July 19 (Agencies): Britain Ato Kilonser David Cameron-i, Britain nunger lanurtem dang IS telok nung adenbaji tesülenbo pei ang akoksatsü ta metetdaktsüba mapang Iraq aser Syria nung Islamic State (ISIS) tesep samatsüba maparen nung UK-i US nungita yaritsübasa, ta Deobar nü metetdaktsüogo.
Cameron-i US NBC TV ajanga yamai ashi: “Britain-i tang inyakba dang nungi tali inyaktsüla. Ni aolen ajak Parliament ajunger jajatsüsa akümer. Tang ya Britain opposition party aser tanga lokti ajak den olemtep aser sensaksem agi sünga aliba mapang ka lir, iba dak alia ano kechi inyaktsü. Ajisüaka shisa mebului liang, nenoki ISIS tesep samatsütsü apusodang onokia bendanga agüja yaritsübasa.”