State sorkari YTC aser YAA dang mepishir

Dimapur, January 4 (TYO) : January 7-10, 2016 tashi Shamator nung YAA Golden Jubilee amungtsü aliba dak sendakba nung state sorkari Yimchungrü Akherü Arihako (YAA) aser Yimchungrü Tribal Council (YTC) dang yimjung aser tesünep raksatsüsa mapa meinyaktsü mepishia metetdaktsü.
January 2, 2016 nü state cabinet-i Shamator nung YAA Golden Jubilee mamungtsü atema telemtetba agi aser iba anema YAA aser YTC-i Nagaland chief minister nem ghonda 24 tsüngda telemtetba meyipa agitsü tetuyuba agütsü.
Tensa meraksatsü mechi nung state sorkari telok ajak dang amalitepa lia aser tangatettep nung inyaksangshitsü mepishir, ta sorkar sangdong ka nung metetdaktsü.