Rajasthan CM Vasundhara Raje-i BJP Tir Amit Shah ajuru

New Delhi, July 19 (Agencies): Taoba mapang IPL Mendenbuba Lalit Modi den tesentaktep aliba mechi nung mangatettep ken o nung densema alila Rajasthan Chief Minister Vasundhara Raje-i tanü New Delhi nung BJP Tir Amit Shah ajuruogo.
Ochimashi ken o dak sentakba nung tai tonglokja alisang IPL tongti Lalit Modi den la tesentaktep aliba yong opposition party temi la Chief minister menden nungi alutsü akhanger.
Mongolbar nungi tenzüka Parliament senden tenzüktsü, aser iba mapang nung opposition temi la anema takhangba sashia agütsütsü tebilemba lir, aser ibayongji lai party tongti ajuru amai reprangteter.
Osang ajanga angazükba agi Raje-i la Lalit Modi den tesentaktep indang kulitem BJP Tir nem agütsüogo.
Congress party lenisüba nung opposition party temi maneni Raje CM menden nungi alutsü akhanger, iba den külemi iba onük Parliament nunga benoktsü ta amokmerenogo.