Ellen-i 2016 People’s Choice Humanitarian Award agizüktsü

Los Angeles, January 05 (Agencies): Nungtugu America tsür, Ellen Lee DeGeneres-i 2016 People’s Choice Humanitarian Award asüng, Bodbar nü agizüktsü renemba osang ka angazükogo.
Los Angeles kübok Microsoft Theater nung asüng agitsü ayongba People’s Choice Awards 2016 agütsüba sentong nung DeGeneres nem Favorite Humanitarian sempet aser senpet sena dollar sen 200,000 agütsütsü renemba osang ka People’s Choice Awards producertemi tanü metetdaktsü.
DeGeneres-i iba senpet senji St. Jude Childrens’s Reseach Hospital nem tenlatsü renema lir.
Kasa sentong nung ‘Favorite Talk Show Host’ shilem indang sempet agütsütsü asoshi shimoker rong nung DeGeneres tenünga densema lir.
DeGeneres ya nungtugu asayamenür, television sentong anir, actress, kaketzülur aser producer ka lir.
1994 nungi 1998 tashi ‘Ellen’ ta ajaba television sentong nung shilem agiba sülen DeGeneres-i 2003 küm nungi tenzüka lar ‘The Ellen DeGeneres Show’ television sentong tenzüka lir.
Bollywood actress, Priyanka Chopra-ia kasa sentong nung shilem agitsü renemba osang ka PTI osangia metetdaktsüogo.
People’s Choice Award 2016 kübok ‘Favourite Actress in a New TV Series’ sempet shilem agütsütsü asoshi shimoker rong nung Priyanka tenünga densema lir.