Assam nung Navodaya Vidyalaya 14 lapoktsü : Irani

Guwahati, January 6 (Agencies) : Bodbarnü HRD minister Smriti Irani-i Assam nung Navodaya Vidyalaya tasen 14 lapoktsü osang metetdaktsü.
Election nüboyimba tenzüka Irani-i tanü iba osang metetdaktsü aser lai ashiba agi Navodaya Vidyalaya temji süngolu aliba tesemtem nung lapoktsü.
Golaghat nung BJP workers’ rally ka alidang lai ashiba agi, “Assam nung süngolu mapa inyaker tanurtem ajangzüktsü atema Navodaya Vidyalaya lapoktsü atema kü dang mepishi.”
“Iba maongka agia ni Assam nung Navodaya Vidyalaya tasen 14 lapoktsü osang metetdaktsür” ta laisa shisem.