Iraq-i Saudi-Iran mangatettepbaren bentettsütsü: Ibrahim

Dubai, January 06 (Agencies): Tang Iran aser Saudi Arabia na tsüngda adokba mangatettepbaren bentettsütsü tenangzükba olen ka Iraq Foreign Minister, Ibrahim al-Jaafari-i tanü Bodbar nü metetdaktsüogo.
Iran Foreign Minister, Mohammad Javad Zarif den ajurutepa senden ka amenba sülen tenati osangbener den aroki ajurutepdang Ibrahim-i iba tenangzükba olenji metetdaktsü.
“Tehran-i tensa tamajungba mekümdaktsütsü meranger saka Saudi Arabia-i kasaji tamajungba kümdakja ozü linük ana tentetba region nung tensa mejungi kümdaktsütsü meranger,” ta Zarif-ia metetdaktsü.
Paisa ashiba agi, tensa mejungi kümdaktsübaji tashi aliba sayur masü saka shisatsü tamajung adenba jungkai adoka sayur lir.