Guns N’ Roses teloki 2016 Coachella festival nung tongti shilem agitsü

Los Angeles, January 06 (Agencies): Guns N’ Roses aser LCD Soundsystem telok nati 2016 Coachella benjungmong sentong nung tongti shilem agitsü sentong renemba osang ka Coachella Valley Music & Arts Festival (CVMAF) teloki metetdaktsüogo.
Kentener Axl Rose, guitarist Slash aser bassist Duff McKagan nunger densemba Gun N’ Roses teloki küm 20 shi nung tan mezüngsüa külemi shilem agitsü renemer lir.
Taoba mapang, 2011 küm nungi tenzüka kententsüren toktsüba LCD Soundsytem telokia benjungmong tenzükba aonung tongti shilem agitsü ta benjungmong tayonger, Goldenvoice-i osang jangjashitsü.
Ice Cube, Rancid, Sufjan Stevens aser The Kills nungeri benjungmong anogo balala nung shilem agiba sülen Calvin Harris-i benjungmong shibangba aonung tongti shilem agitsü renema lir ta parnoki ashi.
1999 nung tenzüka agiba indie aser alternative rock benjungmong, Coachella ya tongti kententsü benjungmong ka kümogo.
Taoba mapang ayongba benjungmong nung Jay Z, Snoop Dogg aser Madonna nungeria shilem agia lir.
Iba tongti benjungmong ya California kübok Indio nung taküm April ita 15-17 nü aser April 22-24 nü tashi agitsü ayonga lir.