Delhi nung Aor asangur ka sür lia angu

Dimapur, January 7 (TYO) : Brihostibar anepdang 3:00 ako meta Delhi nung Aor asangur ka train lenmang nung sür lia angu.
Delhi GRPF police personnel-i anguba nisungji Sungratsu nunger asür Nubotoshi Jamir’er jabaso Pangertemsu liasü ta jangjaogo.
Osang ajanga ashiba agi, asür Pangertemsu teyi ka bendanglen oa lir aser la dangi aotsü atema pa December 22, 2015 nü Delhi-i visa yanglutsü atema aoba liasü.
Pa mang nung zübo kar keter train lenmang nung sür lia angu. Ajisüaka pa koma/kodaser asü’ar mejangjangteter ta osang ajangasa metetdaktsü.
Pa mang tendanga reprangba sülen kinünger ket nung agütsüogo aser asüng Dimapur tonga bener arutsü.