Kejriwal aser Jaitley na ‘Bengal summit’ nung shilem agi

Kolkata, January 08 (Agencies) : West Bengal sorkari ayongba business sentong ka Hokolbarnü amungba mapang tang DDCA atema mangatettep adoka meputepi kümer aliba, Delhi chief minister Arvind Kejriwal aser union Finance Minister Arun Jaitley na sabang ka nung shilem agi, ajisüaka tena katia ka den mejembir.
Senden nung tena yakbang nung mena liasü aser tena yongtsü nung chief minister Mamata Banerjee aser Bhutan Ato Kilonser Tshering Tobgay na mena liasü.
Brihostibar aonunga Global Business Summit’ temer külen lenir ana ya Banerjee-i ayongba chiyungba mapang nunga külemi chiyunga liasü.
DDCA-i timtem mesüi inyakba ajanga Delhi sorkari bushisüngdangtsü asoshi ‘probe panel’ ka shima yutsüogo.
Tesüiba mapang solicitor general, Gopal Subramanium anema bushisüngdang asütsü atema Delhi cabinet-i December 21, 2015 nü Commission ka tenteta yua lir.