Sonia-i Rajiv Gandhi nükjidong tongtsütsüla

New Delhi, January 8 (Agencies): Vishwa Hindu Parishad (VHP)-i, “Congress Tir Sonia Gandhi ya kinüngtsü tajung ka lir ta shia lai la kinüngbo aser tesüiba mapang Ato kilonser, Rajiv Gandhi-i Ram temple süshitsü jangraba, nükjidong tongtsütsüla,” ta ashi.
“Rajiv Gandhi-i khen mapang ka nung Ram temple süshitsü kanga jangra liasü. Pai küm kabo election atema nübu ayimba sentong, Ayodhya nungi tenzüka liasü aser iba mapang pai linük nung ‘Ram Rajya’ nangzük. Sonia-i iba nükjidong ngatettsüla,” ta VHP nung otongdar Surendra Jain-i IANS osangbenertem dang ashi.
“Sonia ji kinüngtsü tajung ka lir anungji knüngtsü tajung kati kinüngbu ka nükjidong tongtsütsüla,” ta pai ashi.
Aji oda süaka, VHP nung lenir-i ashiba agi, Ayodhya nung aliba Ram temple ji parliament-i temelaba agütsü nung dang süshitettsü.