Angh P.B.Acharya-i Handloom & Shitalpatti workshop semdang

Dimapur, January 8 (TYO) : January 4 nungi 10, 2016 tashi NEZCC Shilpagram, Panjabari, Guwahati-i Handloom & Shitalpatti workshop ka ayongzüka agidar.
Tetsür teka mapa inyakertem ajungkettsü aser parnok dang mapa inyakba yimya tasen aser shishilembadak tajung den sendakteptsü tesayuba agütsütsü nükjidong nung iba workshop ayongzüka agir.
Nagaland-Assam Angh aser NEZCC Chairman P.B Acharya-i January 6 nü Shilpagram, Panjabari nung iba workshop semdang ta tanü Raj Bhavan, Kohima sangdong ka nung metetdaktsü.
P.B Acharya-i Designer Miss Beauty Mili; master trainers Nisha Das, Chandika Deori, Laila Anzuara Rahman aser teka mapa inyaker 15 den ajurutepa sensaksemba mapang liasü, ta sangdong nungsa shia lir.
Angh-isa Handicraft department semdang aser idakji Shitalpatti designer Moushumi Saikia-i pa dang Shitalpatti indang inyakyim rasa ashi.
Handloom & Handicraft section semdangba sülen Angh-i designers, master trainers aser artisans ajak den sensaksemba mapang ka liasü. Iba mapang EB/GB züngsemtem – Mrs Baby Bhuyan, Dr Mallika Kandali aser Mrs Murchana Bhuyan nunger liasü.