Maruti-i Delhi Auto Exp 2016 nung Vitara Brezza gari sayatsü

New Delhi, January 08 (Agencies): India ajunga nung gari yanglua ayoker telok tulutiba, Maruti Suzuki India (MSI)-i par compact Sports Utility Vehicle (SUV) gari tasenba, Vitara Brezza Delhi Auto Expo 2016 sentong nung sayatsü sentong renemba osang ka metetdaktsüogo.
Vitara Brezza gari ya sen lakh 6.79 nungi lakh 13.77 tsüngda ayokba Ford EcoSport, Mahindra TUV300, Renault Duster aser Hyundai Creta garitem den toktepdaktsütsü alizüng MSI teloki yua lir.
“Taruba February ita 5-9 nü tashi agitsü ayongba 2016 Delhi Auto Expo sentong nung ozü compact SUV gari tasenba, Vitara Brezza sayatsü sentong lir,” ta MSI Chairman, R C Bhargava-i osang jangjashitsü.
MSI teloki iba gari tasenba ya 2012 Delhi Auto Expo sentong nung ‘XA Alpha’ ta ajaba concept gari ka ama sayua liasü.