Pranav Dhanawade-i school level asayamung nung 1009 runs nguteta alima nung otsü tasen ka yangluogo

Asangur chanu arishi küm 15 tain, Pranav Dhanawade-i HT Bhandari Cup under-16 inter-school Cricket asayamung Mumbai (Maharashtra) January 5, 2015 anogo nung asayadang runs 1009 yangluteta otsüsütsü tasen ka yangluogo. Iba alizüng ajanga linük nung ODI & Test cricket asayar rongnung runs 1000Plus yangluteter rongnung mezüngbuba akümer asütsü.
Mumbai Cricket Association (MCA)-i ayonga HT Bhandari Cup asayamung asayadang KC Gandhi High School tenüng nung Pranav Dhanawade-i Arya Gurukul den minutes 395 tashi asayadang 323 balls nung runs 1009 (not out) ngutet.  Iba asaya nungji fours 129 aser sixes 59 ngutet.
Pranav-i mezüngbuba anogo (First Inning) nung 652 ngutetba ajanga 1899 küm AEJ Collins-i Clark House o North Town House den UK nung asayadang runs 628 yanglua otsü yanglua aliba ajatetogo. Ano 2013 küm Shield Trophy asayadang Harris-i 546 runs yanglua, kijaibo tiemba runs nguteter aliba ibajia Pranav-isa ajatetogo.
Pranav-i runs 1009 ngutetba ajanga par school-i 1465/3 agi akok aser taoba mapang 1926 küm Victoria-i runs 1107 agi New South Wales takok tulu ngua otsü tasen yanglua aliba ibajia ajateta asayatetogo.