Mexico tayimtsü anendak prangpong süngden ka angu

Mexico City, July 19 (Agencies): Mexico City international tayimtsü anenba tesem nung prangpong ana den injang 30 shi asepba süngden ka angu, ta Mexico National Commission for Security ajanga metetdaktsü.
Federal Police-i X-ray machine amshia oset reprangba mapang US nungi Honibar nü aruba süngden ka nung prangpong aser injang mesükba oset ajiteta liasü, ta Xinhua osang ajanga ashi.
Inyakyim agi melaba ama, iba süngdenji international tayimtsü supervisor aser ketdangsertem lia lapoka reprangdang. Iba mapang süngden telung nungji prangpong ana liasü aser ka nung injang 10 aser ka nung injang 11 liasü. Iba den külemi oset tangaa kar densema injang 13 bo tema nung liasü.