Sorkar mapa inyakertem Hindi angazüktsü atema web tools saya

New Delhi, January 10 (Agencies) : Sorkar mapa inyakertemi Hindi oshi angazüka amshitsü atema Centre-i computer nung audio-typing aid sayaogo aser ano digital Hindi classic literature yanglur, ta Deobarnü sorkar ketdangser kati ashi.
“Sorkar mapa inyakertemi Hindi melamela angazüktsü aser jembitsü atema onoki e-tools sayaogo. Parnok sasa Hindi angazüktsü atema onoki audio-typing aid yangluogo” ta Department of Official Language (Rajbhasha) Secretary, Girish Shankar-i metetdaktsü.
New Delhi nung 11 buba ‘World Hindi Day’ sentong nung Shankar-i iba osang metetdaktsü.
“Hindi oshi ajungkettsü nükjidong nung onoki Premchand aser tanga kaketzülurtem indang otsütem web nung sayutsü aser itemji sorkar mapa inyakertemi azüngtsü akok” ta paisa ashi.
Iba sentong ya ‘Vishwa Hindi Parishad’-i Constitution Club of India nung ayongzüka agi aser BJP Sitamarhi MP Ram Kumar Sharma o novelist Narendra Kohli-i anir tongtipang nisung aika aden.
Mezüngbuuba ‘World Hindi Day’ ji 2006 küm UPA sorkatr alidang ayongzüka amung.