Pakistan nung telungpur telok ka nungi commander 9 tepset

Karachi (Pakistan), July 19 (Agencies): Arrtsülen anüker sepai 44 tepsetba nung densema alir telungpur telok ka nungi tajemba agi commander teku tanü Pakistan, Balochistan province nung paramilitary sepaitem den raraba mapang tepsetogo.
Iba tesem nungji ozüng agi memelaba telungpur telok ka aliba osang ka lazükba sülen arrtsülen sepaitemi Awaran district nung telungpurtemji mita oa liasü.
Sepaitem arua anguba sülen telungpurtemi parnok dak tama injang kahloktsü, iba sülen parnok tsüngda kahtepdang telungpur commander 9 kahset, ta Geo news ajanga ashi.
Home department-i ashiba agi, item commander temji FWO sepai 44 tepsetba aser tanga tatalokbatem nung densema lir.
FC sepaitem ya nübur alitak tensa azüoktsü aser arrtsülen nüka temzüng alema shibelenba osetttem nokdangtsü asoshi dang lir saka tawa ka nungi parnok ya Balochistan aser Federally Administered Tribal Area tem nung telungpurtem mita aotsü asoshi mapa lemzüktsüogo.