KPC 15 buba Foundation Day amungtsü

Dimapur, January 11 (TYO) : January 20 nü Kohima Press Club (KPC) office tasenba nung 15 buba Foundation Day amungtsü, ta KPC Gen. Secy. Alice Yhoshü-i sangdong ka nung metetdaktsü.
Kohima nungi inyakba journalists-i KPC ya 2001 küm tenzük. State yimtiba nung press züngsemtem jenjang ajungkettsü aser lokti mesüdaktsüi tajungba küma aotsü nükjidong nung KPC tentet, ta Alice Yhoshü-isa sangdong nung shia lir.
KPC 15 buba Foundation Day dak sendakba nung executive team-i January 16 nü KPC office tasenba nung lokti senden ka alitsü ayongzüker, anungji züngsem ajak medema arua adentsü mepishir, ta laisa metetdaktsü.