Aishwarya Rai yimya tanük ajanga John Legend ajungmeso

January 12, 2016: Aishwarya Rai Bachchan aser Eva Longoria nati shilem agitsü aliba advertisement ka nung ken tentsüsang, International kentener John Legend, taoba mapang Miss World, Aishwarya Rai tobur ajung agi puadokogo.

Actress ana ya L’Oreal Paris atema brand ambassador shim aser tena prongdak nisung ajak den kara tejak shibaba yimya tajung keta lir. Tena ya tang India nung L’Oreal Paris sayatsüba atema advertisement ka nung külemi shilem agitsü sentong lir.

Iba sentong asoshi Legend-i mejemba France oshi agi atenba ken dak ajemdaker video ka yanglua lir aser yangji actress ana, Aishwarya aser Eva nati shilem agia lir.

Iba video tangokba mapang actress ana ya ngur Legend kanga puadok.

Aishwarya den külemi inyakdang ajangshiba lemsatepdang, pai, “Ken jang tajung alima nung tobur tajungtila aser sempet tajung alilai shilem agiba vedio nung nem la nem tenloktsütsü maongka angubaji kecha dena matishitet,” ta ashi.

“La tobur ajungba dang masü saka temeim agia sünga lir aser la yimya tanük ajanga ni kanga ajungmesogo,” ta pai ashi.

Yaküm “Jazbaa” film nung shilem ashila, Aishwarya-i ano “Sarbjit” aser “Ae Dil Hai Mushkil” film tem nung shilem agiba ajanga la sapurtem peladaktsütsü.