Vivekananda kürakyanglu ka Ranchi Tzütu nung yanglutsü

Ranchi, January 12 (Agencies): Swami Vivekananda kürakyanglu ka Jharkhand yimtiba Ranchi Tzütu tiyong nung yanglutsü.

Iba kürakyanglu tenzüktsü asoshi Vivekananda sor küm 153 ajungba anogo (Mongulbar) nung Chief Minister Raghubar Das-i lung ka azüngtsüogo.

“Pa kürakyanglu ka yanglua ayuba ajanga nüburtemi pa akümlidang tajung inyaktetbatem aser teti tasü ita inyaksangshiba bilemtetdaktsütsü,” ta Das-i lung azüngtsüba mapang ashi.

Sorkari Mongulbarnü pa asoba anogo bilemteta sentong aika yanglua mongtepogo.

Vivekananda bilemtettsü atema Sports Minister Amar Bawari anogo pezünü amungba lanurtem benjung ka ayokzüka mungdaktsü.